Kuvendi i Përgjithshëm i AKR-së ka autorizuar kryetarin e këtij subjekti, Behgjet Pacolli që bashkë me deputetët e zgjedhur dhe kryesinë e ngushtë të shohë mundësi e gjetjes së një zgjidhje për daljen nga kriza edhe jashtë koalicionit me LDK-në dhe Alternativën.
Në mbledhjen e 4-të të Kuvendit të AKR-së, kryetari i Komisionit Zgjedhor në AKR, Fatmir Matoshi, ka bërë të ditur se kryesisht është folur për përgatitjet për zgjedhjet lokale, megjithatë u diskutua edhe për bashkëpunim të këtij subjekti edhe jashtë koalicionit LAA.
Kërkesa e vetme e AKR-së është që vendi të ketë qeverisje gjithëpërfshirëse.
Edhe i nominuari për kryeministër nga PAN, paralajmëroi se shumë shpejt do të ketë një qeverisje më gjithëpërfshirëse, madje përmendi edhe AKR-në. /tesheshi.com/
