Akademiku izraelit Idi Cohen ka zbuluar të dhëna interesante për përgatitjen e zbatimit të Marrëveshjes Trump mbi Palestinën dhe Izraelin.
Në mënyrë të veçantë, në një intervistë televizive, Cohen tha ndër të tjera: “Bahreini është porta e Gjirit Arabik. Tani jemi përballë Gjirit të ri, si Lindja e Mesme e re. Gjiri i Ri kërkon marrëdhënie me Izraelin lidhur me çështjen palestineze.
Natyrisht, do të shihni të gjithë sundimtarët e Gjirit që do të shkojnë në studio televizive duke thënë se janë të interesuar për çështjen palestineze dhe se ata mbështesin Autoritetin Palestinez. Por kjo është vetëm një pjesë e hipokrizisë arabe”.
Pastaj shtoi: “Arabia Saudite është ajo që financoi konferencën në Bahrein dhe kjo ndodhi me pëlqimin e saj. Asgjë në Gji nuk mund të ndodhë përveçse me pëlqimin e Arabisë Saudite.
Edhe për vizitën e Netanjahut në Oman tetorin e kaluar u ra dakord me miratimin e Arabisë Saudite. Arabia Saudite është “nëna” e Gjirit, dhe nëse Arabia Saudite pajtohet, i gjithë Gjiri do të jetë me Izraelin “. /tesheshi.com/
