Akademiku Artan Fuga ka reaguar këtë ditë të Fitër Bajramit ndërsa ka thumbuar politikanët. Ai kërkon që ata të mos e bashkojnë pushtetin me fenë se sipas tij, është haram.
“Mos e bashkoni pushtetin me fenë se është haram. Mos ta ndyejmë fenë me pushtet dhe mos radikalizojmë pushtetin me fe, sepse pushteti është vepër e njeriut, vlerë kalimtare dhe e gënjeshtërt, kurse besimi është vepër e kulluar e Tjetërkujt”,- shkruan Fuga.
Në nisje të shkrimit të tij, akademiku uron që ndonjë politikani, në mes të vapës, të mos t’i shkrepet të na urojë Bajramin nga dera e xhamisë sepse nga të vjellat, shprehet ai “nuk do të shijonim dot as kabuninë që më ka pergatitur gjyshja për drekë”. /tesheshi.com/
