Bojkoti akademik kundër Izraelit vazhdon të zgjerohet, me një peticion të nënshkruar së fundi nga 168 akademikë dhe studiues në Itali, të cilët kanë bërë thirrje që të pezullohen të gjitha marrëveshjet me universitete izraelite, ku veçojnë Technion-in, Instituti Izraelit i Teknologjisë në Haifa.
Peticioni vjen tre muaj pasi 343 akademikë britanikë nënshkruan një të ngjashëm duke bërë thirrje për një bojkot akademik të universiteteve izraelite me arsyetimin se ata marrin pjesë në shkelje të së drejtës ndërkombëtare dhe mbështesin pushtimin palestinez.
Sipas akademikëve dhe studiuesve italianë, nënshkrues të peticionit, universiteti Technion angazhohet në kërkime ushtarake dhe ideon armë për të nënshtruar popullin palestinez.
“Ne, profesorët, studiuesit dhe hulumtuesit në universitetet italiane, jemi të shqetësuar thellësisht nga bashkëpunimi ndërmjet Institutit Izraelit të Teknologjisë, Technion, dhe universiteteve italiane. Technion është e përfshirë më shumë se çdo universitet tjetër në kompleksin ushtarako-industrial izraelite; dhe aty kryen kërkime në një gamë të gjerë për teknologji armatimi që përdoren për të shtypur dhe sulmuar palestinezët”, thuhet ndër të tjera në deklaratë.
Tek masat e propozuara për bojkot, nënshkruesit e peticionit bëjnë me dije ndërprerjen e bashkëpunim jo vetëm me Technion-in, por dhe me universitete të tjera izraelite, duke përfshirë projektet akademike dhe kulturore. /tesheshi.com/
