Përveç shumë qytetarëve, por jo vetëm, edhe kryeparlamentari Kadri Veseli ka shprehur shqetësimin e tij për ajrin tejet të ndotur ditëve të fundit me ç’rast ka bërë të ditur se ka iniciuar mbajtjen e seancës së jashtëzakonshme të Kuvendit, ku do të kërkohet ndërmarrja e masave të menjëhershme për përmirësimin e ajrit.
“I shqetësuar tej mase me cilësinë e ajrit në Prishtinë, kam iniciuar mbajtjen e një seance të jashtëzakonshme të Kuvendit të Kosovës, që të kërkojmë nga të gjitha institucionet ndërmarrjen e masave të menjëhershme konkrete për përmirësimin e kësaj gjendjeje. Po ashtu, është e nevojshme që të kemi një plan nacional të mirëfilltë dhe afatgjatë, me të cilin do të evitohej kjo situatë që po na përsëritet”, shkruan Veseli në Facebook.
Kujtojmë se më herë edhe asambleisti i LDK-së, Sokol Havolli, dhe më pas edhe kryetari i Prishtinës Shpend Ahmeti, kanë kërkuar që të mbahet një seancë e jashtëzakonshme në Kuvendin Komunal të Prishtinës për të diskutuar rreth nivelit të ajrit në kryeqytet. /tesheshi.com/
