Në ditën e fundit të panairit të aviacionit dhe teknologjisë TEKNOFEST në qytetin turk të Izmirit u prezantuan arritje të shumta teknologjike.
Panairi i Aviacionit dhe Teknologjisë organizohet nga Fondacioni Turk i Teknologjisë (T3) dhe Ministria e Industrisë dhe Teknologjisë e Turqisë.
TEKNOFEST këtë vit mbahet për herë të tretë në Izmir. Panairi i aviacionit dhe teknologjisë në aeroportin Cigli zgjati deri këtë 1 tetor.
Në ditën e fundit panairi u vizitua nga një numër i madh qytetarësh dhe turistësh të cilët patën mundësinë të shohin arritje interesante teknologjike dhe shkencore ku një numër i madh i studentëve dhe të rinjve ranë veçanërisht në sy mes vizitorëve.
Në TEKNOFEST u prezantua edhe makina fluturuese turke “AirCar”, e cila tërhoqi vëmendjen e veçantë të vizitorëve.
Inxhinieri i softuerit Mehmet Turan, i cili ka punuar në zhvillimin e makinës fluturuese, tha se “AirCar” peshon rreth 450 kilogramë.
“Ky është një mjet që mund të arrijë shpejtësinë 120 kilometra në orë dhe ka një distancë prej 50 kilometra. Ky mjet mund të jetë një zgjidhje e shkëlqyer për trafikun e rënduar“, tha Turan.
Ai shtoi se ata mund të marrin leje për të fluturuar në Turqi që në vitin 2025.
“Deri më tani kemi kryer rreth 100 fluturime testuese”, tha ky ekspert.
Ekipi demonstrues akrobatik i Forcave Ajrore Turke Soloturk performoi një performancë që kënaqi vizitorët si pjesë e panairit.
Në kuadër të TEKNOFEST-it u mbajtën punëtori të shumta për fëmijë dhe të rinj.
Gjatë panairit, ekipi demonstrues aerobatik i Forcave Ajrore Turke, i njohur si “Yjet turke”, performoi në qiell. Në kuadër të panairit u prezantuan edhe dronët luftarakë Bayraktar TB2 dhe Bayraktar TB3, droni luftarak Bayraktar AKINCI dhe helikopteri ushtarak turk ATAK.
TEKNOFEST u mbajt për herë të parë në vitin 2018. /tesheshi.com/
