Një stjuardesë e Air Albania-s ka ndërruar jetë krejt papritmas në kushte pune, pasi ka pësuar një atak kardiak. Ngjarja ka ndodhur më 21 dhjetor, sapo avioni shqiptar ishte ulur në aeroportin e Londrës.
Greta Dyrmishi, 24 vjeçe, ka qenë ajo e cila ka humbur jetën krejt papandehur.
Në një deklaratë të Air Albania-s thuhet se “më 21 Dhjetor, pasi zbritëm të gjithë udhëtarët e fluturimit drejt Londrës, një nga anëtarët e ekipit të kabinës, Greta Dyrmishi pësoi atak kardiak. Edhe pas të gjithë asistencës mjekësore të ofruar në moment, ne përsëri e humbëm.
Air Albania ka kontaktuar familjen e saj që në momentet e para dhe vazhdojmë të jemi pranë tyre në këto momente të vështira.Në respekt të Gretës dhe familjes së saj ne vendosëm ta ndajmë lajmin me publikun në momentin më të përshtatshëm.
Në do ta kujtojmë gjithmonë Gretën si një profesioniste të pasionuar, një bashkëpunëtore të shkëlqyer dhe mikeshë shumë të mirë e të gjithëve ne.
Me besimin se ajo sot gjendet mes mëshirës së Zotit, Air Albania do të vazhdojë t’i qëndrojë pranë familjes”. /tesheshi.com/
