Air Albania, kompania e re ajrore shqiptare, ka plotësuar dhe kriterin e fundit, atë pas së cilit vjen fluturimi. Ajo ka marrë ccertifikimet e nevojshme sipas kërkesave të kuadrit ligjor vendas dhe direktivave të Bashkimit Europian.
Ishte Krislen Keri, drejtor i Përgjithshëm i Autoritetit të Aviacionit Civil, i cili bëri me dije edhe detajet duke theksuar se tashmë avioni i parë i linjës ajrore Air Albania është regjistruar nën emërtimin A319 Za Bel në regjistrin e avionëve civilë.
Ai bëri me dije po kështu miratimin e stafit prej 38 punonjësish dhe tetë pilotësh.
Stambolli pritet të jetë destinacioni i parë i Air Albania-s, për të vijuar me pas destinacione në Itali e vende të tjera europiane.
“Fluturimet do të nisin me destinacion aeroportin e ri të Stambollit ndërkohë që kompania Air Albania ka njoftuar se është në pritje të avionit të dytë që do të ketë si synim destinacionet në aeroportet europiane.
Në duam të bëjmë përgatitjet për avionin e ri i cili do të ketë destinacionet e reja në aeroportet europiane: tre aeroporte në Itali ku bëjnë pjesë Roma Milano dhe Bolonja si dhe aeroporti i Londrës.
Futja e Air Albania ka sy aspekte positive, ku e para synohet që të ketë ulje të çmimit të biletave pasi ofrohet një alternativë më shumë dhe më e lire, si dhe prezencë e Shqipërisë në një treg dhe destinacione ku ka shqiptarë”, tha Keri.
Këto ditë pritet të jetë dhe fluturimi i parë i Air Albania-s, në linjën Tiranë – Stamboll e anasjelltas. /tesheshi.com/
