Ministri i Financave, Arben Ahmetaj, deklaroi zyrtarisht se Shqipëria e ka lënë prapa krizën dhe tani mund të flasë me siguri për tendencë rritjeje serioze.
Në krah kishte përfaqësuesin e FMN-së gjatë një takimi me gazetarët, pikërisht për të hënë më siguri.
“Është rritur konsumi, pak 1.2% por pas një rënie në fund viti ishim shumë frikë, kjo është tendencë që jep shpresë. Papunësia është ndaluar në 17.1 përqind.
Papunësia është ende e madhe, por tendenca mbetet e ulët dhe kjo lidhet edhe me përmirësimin e klimës së biznesit”, deklaroi ministri i Financave, i cili nuk u ndal këtu port ha se të dhëna pozitive Ahmetaj thotë se ka edhe nga eksportet.
“Eksporti ka dhënë shenjat e para pozitive. Për muajin prill ka një rritje 1.5 përqind që është pozitive”, deklaroi Arben Ahmetaj
Në fakt, të ardhurat kanë përfituar nga importi i pajisjeve për ndërtimin e
gazsjellësit TAP, të cilat kanë kaluar nga Durrësi dhe kanë paguar tatimet e taksat.
Por Ahmetaj nuk e pranoi vetëm këtë zë, duke përdorur shifra:
“Kemi një rritje 17.2 përqind të importit dhe duke e zhveshur nga TAP, rritja e tyre është 7 përqind”, tha Ahmetaj.
Përfaqësuesi i FMN-së, Jens Reinke kërkoi të bëhej kujdes nga administrata tatimore në raportet e saj me biznesin.
“Mënyra e komunikimit, veprimit dhe operimit e tatimeve me sektorin privat ndonjëherë është e vështirë për këtë sektor. Mënyra e komunikimit të administratës tatimore me biznesin, ndonjëherë është ndëshkuese dhe nuk ka konsistencë. Ky është një problem i rëndësishëm që qeveria duhet t’i kushtojë vëmendje pasi ndikon në rritjen ekonomike”, u shpreh Reinke.
/tesheshi.com/
