Arben Ahmetaj është bërë sërish “i gjallë” nga arratia, një lloj fshehjeje konspiracioniste nga drejtësia shqiptare që ka urdhëruar burg për të, duke ndërmarrë hapin e radhës apelues në hetimet mbi pasurinë e tij.
Më konkretisht, ai, me anë të avokatëve të tij ka ankimuar në Kushtetuese kontrollin e banesës së bashkëjetueses së tij.
Ahmetaj kërkon shfuqizimin e vendimit të Gjykatës së Posaçme, të lëna në fuqi nga Apeli dhe Gjykata e Lartë.
Sipas ankimit, kontrollet janë në papajtueshmëri me ligjin dhe antikushtetuese, pasi nuk ka patur autorizim nga Kuvendi, sepse në njërën nga banesat jetonte edhe vetë Ahmetaj që gëzonte mandatin e deputetit.
Mbrojtja rendit katër pika pse e konsideron të paligjshëm kontrollin e banesave.
Nga Kushtetuesja Ahmetaj kërkon shfuqizimin e e vendimit të Gjykatës së Lartë dhe dërgimin e çështjes për rigjykim në Apel.
Por tej këtyre dëmarsheve, arratia e tij është një akt i ulët prej një figure të lartë shtetërore deri dje, i cili për më tepër ka votuar drejtësinë me të cilën përballet sot.
Gjithnjë, nëse kjo arrati nuk është konspirative por thjesht një akt paburrërie. /tesheshi.com/
