Ka folur për herë të parë për publikin i ati i Naim Murselit, porositësit të vrasjes së gruas së tij, nënë e dy fëmijëve, Liridona Ademajt, duke inskenuar një kinse grabitje hajnash që u kishin prerë rrugën.
Me lot në sy, Shaban Murseli tha se as që i shkonte kurrë në mendje se i biri do kishte bërë atë që ka bërë.
“Unë diku rreth orës 8:20 por sa kam hyrë në shtëpi në Suedi, me ka thirr djali i dytë edhe veç me kanë thënë ‘Babë, e kanë vra Liridonën’. Aty plasi vaji. Liridonën e kemi dashtë më shumë se fëmijët e mi”, tha ai, duke shtuar se ishte tronditur në momentin që policia kishte trokitur në banesë me akuzën se Naimi ishte i përfshirë në vrasje.
“Unë jam shumë i tronditur. Liridonën e kam dashtë më shumë se vajzat e mia. Ishin disa policë aty, kontrolluan, nuk kishte asgjë. Një polic kërkoi ta lirojnë dhomën. Jemi ulur në krevat unë e ai polici. Më tha ‘Zotëri po me vjen shumë keq, kemi prova të mjaftueshme që Naimi është kryesi i veprës’. Aty unë jam tronditur sepse me ma pas dhënë krejt botën, nuk do të më shkonte as mendja që djali im e bën atë. Me pas dit që e ka bo djali jem, ai sot s’ish gjallë”, tha ai ndër të tjera. /tesheshi.com/
