Lojtari i kombëtares shqiptare, Ansi Agolli, është pritur në mënyrë madhështore në Azerbajxhan nga klubi i tij Karabak, pas fitores së Kombëtares ndaj Armenisë. Kjo për shkak edhe të konfliktit të vjetër që Armenia ka me Azerbaxhanin për shkak të krahinës së rëndësishme të Nagorni Karabak, emrin e të cilit mban edhe ekipi I Ansi Agollit.
Në rast se kuqezinjtë fitonin ndaj Armenëve, krerët e klubit të Karabakut u kishin premtuar një
dhuratë të veçantë Agollit dhe lojtarit tjetër shqiptarit, Admir Teli.
Trajneri i skuadrës, Kurban Kurbanov i ka dhuruar Agollit një orë “Rolex”, ndër më të shtrenjtat të kësaj marke. Sipas medieve azere, trajneri i ka përqafuar katër herë lojtarin kuqezi.
Nga burime ende të pakonfirmuara thuhet se klubi i dhuruar 32-vjeçarit 100 mijë eruo për fitoren ndaj Armenëve. Edhe tifozeria e klubit e ka pritur atë në mënyrë madhështore. Vetë Agolli, shprehet: “Jam i emocionuar dhe shumë i lumtur. Kemi ngritur peshë zemrat e gjithë shqiptarëve, por edhe azerëve”. 32-vjeçari konsiderohet si lojtari i huaj më i mire që ka luajtur në radhët Karabakut, duke u shpallur dy herë radhazi, vjet dhe sivjet, kampion i Azerbajxhanit, si dhe duke i kualifikuar deri në fazën e ndeshjeve në grupe në Europa League.
