Romancieri dhe eseisti anglo-indian Salman Rushdie ka humbur shikimin në njërin sy dhe nuk mund ta përdorë njërën dorë pas një sulmi që pësoi gjatë përgatitjes për të mbajtur një leksion në New York dy muaj më parë, konfirmoi agjenti i tij Andrew Wylie.
Autori 75-vjeçar, i cili mori kërcënime me vdekje nga Irani në vitet 1980 pas botimit të romanit të tij “Vargjet Satanike”, u godit me thikë ndërsa doli në skenë për të mbajtur një fjalim mbi lirinë artistike në Institutin Chautauqua më 12 gusht, raporton gazeta britanike Guardian.
Shkalla e plagëve të Rushdie nuk dihej ende, por në një intervistë me të përditshmen spanjolle Pais, Andrew Wylie shpjegoi se sa serioz dhe ndryshim i jetës ishte sulmi për shkrimtarin.
“Plagët e tij ishin të thella, ai humbi shikimin në njërin sy”, tha Wylie.
Ai shtoi se kishte tre plagë të rënda në qafë.
“Një nga krahët e tij është invalid, sepse i janë prerë nervat në krah. Dhe ka rreth 15 plagë të tjera në gjoks. Pra, ishte një sulm brutal,” vuri në dukje Wylie.
Agjenti nuk pranoi të thoshte nëse Rushdie ishte ende në spital, duke thënë se gjëja më e rëndësishme ishte se ai do të mbijetonte.
“Ishte si të vrisje John Lennon”, theksoi ai. /tesheshi.com/
