Agim Kajmaku, kryebashkiaku i Vorës, tha se ai nuk ka qenë në dijeni të një procesi kundër tij ga drejtësia greke, e cila gjithsesi e nxjerr të pafajshëm.
Si reagim ndaj faktit se Prokuroria e Përgjithshme ka vërtetuar se ai ka mbajtur dhe emrin Jorgo Toro gjatë viteve të emigracionit në Greqi, Kajmaku është mbrojtur duke i thënë organit të akuzës se “sa i takon çështjes së mospasqyrimit në formularin e vetëdeklarimit të fakteve lidhur me ndonje masë sigurimi ose urdhër kërkimi ndaj presonit tim, sqaroj se një gjë e tillë ka ndodhur për shkak të mungesës së plotë në dijeninë time lidhur me fakte të tilla, sikundër del edhe nga përmbajtja e shkurtimit të vendimit duke qenë se i gjithë procesi i hetimor është zhvilluar në mungesën time”.
Një ditë më parë, PD kërkoi që ndaj Kajmakut të vepronte ligji i dekriminalizimit, me pretendimin se ai ka fshehur të kaluarën e tij lidhur me një procedim penal. /tesheshi.com/
