Me rezultatet sipërore që kanë munguar në sezonet e fundit, Ferrari shpreson që të bëjë një paraqitje më të mirë kur të zbresë në pistë me makinën e re.
Në Fiorano është bërë i njohur dje versioni i ri i kokëkuqes, SF70H, me të cilën do të synohet përmirësimi i mëtejshëm i paraqitjeve nga dy pilotët, Sebastian Vettel dhe Kimi Raikkonen.
Këta kanë bërë dje dhe kilometrat e para me makinën e re, ndërkohë që të hënën nisin testimet.
Ferrari u rendit i treti në sezonin e lënë pas për konstruktorë, pas Mercedes-it dhe Red Bull-it. Sa për pilotët, Vettel, një ish-kampion bote, u rendit i katërti, e Raikkonen, gjithashtu një ish-kampion, i gjashti.
Ashtu si Ferrari, dhe makina të tjera të Formulës 1 kanë bërë paraqitjet e tyre në prag të sezonit, që nis në mbarim të muajit të ardhshëm. /tesheshi.com/
