Kryeministri Rama paralajmëroi se 1-vjetori i tërmetit do përkujtohet me një aspekt të gëzueshëm.
“Me 26 nëntor në do hapim një numër të madh shkollash. Shumë më të bukura se ç’ishin. Do të jenë me infrastrukturë dhe logjistikë njëlloj me shkollat e BE. Për herë të parë do ndërtohen lagje të reja me infrastrukturë moderne. Më të gjitha hapësirat e nevojshme. Me një cilësi më të mirë të ndërtimeve. Nuk është pak. Do jepen falas. Ku e keni parë. Jepen me kredi të buta, por ne do e japim falas”, tha i pari i qeverisë në parlament.
Duke mbrojtur projektbuxhetin e vitit 2021, Rama se vetëm qeveria e tij mund t’u bënte ballë dy krizave.
“Janë afro 30 mijë familje të prekura. Që nga ato që humbën fare shpinë. Tek ato që nuk banojnë dot nëpër apartamente të dëmtuara. Për të gjitha këto familje, ky vend ka pasur zot. Se asnjë nuk u la siç u lanë ata që u përmbytën në Shkodër. 5-6 mln dollarë ishin, por u desh që të vinim ne në pushtet që ata të merrnin lekët.
Për të mos vazhduar këtu se çdo kishte ndodhur nëse do binte tërmeti po të ishin ata në detyrë. Apo të ishte shfaqur virusi kur ishin spitalet pa ilaçe. Dhe kompanitë nuk sillnin më ilaçe nga borxhet. Apo për invalidët.
Është buxhet kuptimplotë ai që kalon sot. Nuk i ka bërë bisht përballjes me dy kriza. Të njëpasnjëshme. Tërmeti dhe pandemia. Duhet të dalim më të fortë”, tha Rama. /tesheshi.com/
