Banorët afrikanë të metropolit jugor kinez të Guangzhou janë ankuar se përballen me diskriminim dhe akuza për përhapjen e virusit, gjë që ka shkaktuar tensione diplomatike.
Qytetarët me rrënjë afrikane u dëbuan nga shtëpitë e tyre pa paralajmërim, u transferuan në hotele dhe testuan rastësisht ose karantinohen për 14 ditë, pavarësisht se nuk janë larguar nga vendi për një kohë të gjatë.
Guangzhou është shtëpia e komunitetit më të madh afrikan në Kinë.
Shefi i delegacionit të Bashkimit Afrikan Moussa Faki Mahamat thirri ambasadorin kinez në organizatë, Liu Yuxi dhe shprehu “shqetësimin për ankesat e keqtrajtimit të afrikanëve në Guangzhou”.
Mahamat në Twitter i bëri thirrje Pekinit të ndërmarrë “veprim korrigjues të menjëhershëm”.
Zëdhënësi i Ministrisë së Jashtme kineze, Zhao Lijian tha javën e kaluar se “në Kinë, ne i trajtojmë të gjitha komunitet e huaja në mënyrë të barabartë.”
“Ne hedhim poshtë pretendimet për trajtim të ndryshëm dhe kemi zero tolerancë për diskriminim,” shtoi ai, por gjithashtu pranojmë se “incidente të rastit dhe keqkuptime” ndodhin në përpjekjet për të mposhtur virusin dhe për të parandaluar importimin e rasteve të reja.
Frika nga një valë e dytë e infektimit në Kinë po i kthen gjithnjë e më shumë njerëzit kundër të huajve, pasi shumica e rasteve të regjistruara rishtazi importohen nga jashtë.
Sidoqoftë, 90 përqind e rasteve janë shtetas kinezë që kthehen në shtëpi, tregojnë shifrat zyrtare.
Javën e kaluar, autoritetet në Guangzhou njoftuan se pesë nigerianë ishin pozitivë me virusin, gjë që tërhoqi vëmendjen e mediave. /tesheshi.com/
