Afgania me sy jeshil, portreti i së cilës figuronte në kopertinën e revistës “National Geographic” si ikona e refugjatëve afganë është mirëpritur sot nga presidenti, pas dëbimit të saj nga Pakistani. Ajo ishte larguar nga lufta para 30 vitesh. Portreti i Sharbat Gula, me sytë habitshëm të gjelbër, të theksuar nga një shami e kuqe, ilustronte dëshpërimin e shumë refugjatëve të larguar nga vendet e tyre për shkak të luftës. Ajo ishte vendosur që në vitin 1984 në një kamp refugjatësh në Pakistan. “Jam tepër i kënaqur që po pres Sharbat Gulën dhe familjen e saj që kthehet në Afganistan”, shkruan presidenti Ashraf Ghani në llogarinë e tij në Twitter. “Jeta e saj na ka frymëzuar. Ajo përfaqëson të gjitha gratë e guximshme të këtij vendi”, shtoi kreu i shtetit afgan, i cili dha një pritje në nder të saj në pallatin presidencial dhe i premtoi një apartament të mobiluar. “Sharbat Gula është marrë me makinë në kufirin e vendit të saj natën e së mërkurës”, ka deklaruar më herët një zyrtar pakistanez. Ajo u arrestua muajin e kaluar nga autoritetet pakistaneze dhe kaloi 15 ditë në burg përpara se të dëbohej për mashtrim me kartën e identitetit të një vendi.
“Ne kemi dëbuar Sharbat Gula në Afganistan. Ajo e kaloi kufirin në 2:30 të mëngjesit, me katër fëmijët e saj”, tha për “AFP”, Asmatullah wazir, një zyrtar administrativ në qytetin kufitar të Torkham. Një zyrtar i dytë tha se ajo ishte e shoqëruar edhe nga përfaqësues të Ambasadës afgane në Pakistan. Afgania ka deklaruar për “AFP” se jam me “zemër të thyer”që duhet të kthehem në vendin tim të origjinës ku talebanët janë në ofensivë përballë një qeverie të dobësuar. “Afganistani është vetëm vendi im i lindjes, por Pakistani është atdheu im dhe unë e kam konsideruar gjithmonë si vendin tim”, ka deklaruar për AFP nga shtrati i saj në spital në Peshavar, ku ajo u trajtua për hepatitin C.
“Kisha vendosur të jetoja dhe të vdisja në Pakistan, por ata më bënë gjërat më të këqija. Nuk është faji im që kam lindur atje (në Afganistan). Unë jam në depresion. Nuk kisha zgjedhje tjetër veçse për t’u nisur”, ka shtuar Gula, e cila tha se ishte 45 vjeç. Kjo nënë e katër fëmijëve analfabete tregoi se kishte mbërritur në Pakistan, kur kishte mbetur jetime katër ose pesë vjet pas pushtimit sovjetik të vitit 1979, si miliona afganë të cilët ikën nga luftimet përgjatë kufirit.tesheshi.com
