Ish-mbreti spanjoll Juan Carlos I do të largohet nga Spanja dhe do të transferohet në një vend tjetër për shkak të skandalit financiar, sipas një letre të publikuar në faqen e internetit të familjes mbretërore.
Në një letër drejtuar djalit të tij, Mbretit Felipe VI, Carlos informon atë se ai ka marrë parasysh vendimin për të lënë Spanjën.
Carlos tha se nuk dëshiron ta vështirësojë rolin e djalit të tij si mbret.
Kryeministri spanjoll Pedro Sanchez kohët e fundit tha se kishte zhvillime shqetësuese rreth Carlos, përfshirë hetimet në Spanjë dhe Zvicër.
Që nga fillimi i vitit kur Gjykata Supreme spanjolle filloi një hetim, mediat kanë publikuar detaje të shumta nga një hetim i veçantë zviceran për miliona euro që Carlos dyshohet se ka marrë nga mbreti i ndjerë saudit Abdullah.
Carlos dyshohet se transferoi një sasi të madhe tek miku i tij dhe hetuesit po e konsiderojnë këtë veprim si një përpjekje të mundshme për të fshehur fonde nga autoritetet.
Pallati Mbretëror mohon që Felipe ishte në dijeni të parregullsive financiare të të atit. /tesheshi.com/
