PD i është kundërpërgjigjur PS-së dhe akuzave të kësaj të fundit në lidhje me financimin e përfolur rus për lobim, duke potencuar lidhjet sipas saj të Ramës me krimin.
“Edi Rama nuk e dorëzon dot as Saimir Tahirin, as Olsi Ramën as Agron Xhafajn, se pastaj do t’i duhet të dorëzohet vetë. Këtë fakt nuk mund ta fshehë as Edi Rama, as matrioshkat e tij, që me përralla me rubla ruse, përpiqen më kot të fshehin të vërtetat kriminale të kryeministrit të vendit”, tha në një deklaratë për media deputetja demokrate Dhurata Çupi.
Pak orën më parë, nga foltorja e mazhorancës u kërkua që Prokuroria të marrë në pyetje vetë kreun Basha, për aferën e përfolur ruse. /tesheshi.com/
