Ditë më parë, në një operacion të koduar si “Trinomi”, ranë në pranga 28 persona, mes tyre dhe zyrtarë burgjesh, pasi një hetim zbuloi se ishin përfshirë në një aferë me të burgosur, duke iu siguruar këtyre të fundi asete të ndaluara, apo duke iu lejuar dhe aktivitete të ndryshme, deri dhe organizim llotosh.
Ndërkohë, sipas Shqiptarja.com që ka patur qasje në dosje, hetimi ka nisur kur drejt Drejtorisë së Burgjeve është nisur një letër-ankesë e të dënuarit Genci Balla, shkruar me kompiuter.
Ka ndodhur kjo në Burgun e Peqinit, në shtator 2020, kur Balla dhe bashkëtëdënuar të tij në grupin e atyre të akuzuarve për çuarje në Siri të personave për të luftuar. Nisën një grevë urie.
Pra, pikërisht një letër e shkruar me kompiuter, madje dhe e printuar brenda ambienteve të burgut, ka hedhur dyshimet se aty brenda kishte një përmasë lirie të mundësuar nga afera korruptimi. /tesheshi.com/
