Afera e tokave që i vendosi prangat kryebashkiakut të Lezhës shtrihet edhe në katër bashki të tjera bregdetare. Himara, Vlora, Fieri dhe Velipoje janë nën hetim së bashku me kryebashkiakët Jorgo Goro, Dritan Leli. Armando Subashi, kryebashkiaku i Fierit dhe Voltana, Ademi kryebashkiake e Shkodrës.
Në këto bashki dyshohet se ka tjetërsime të pronave të bashkive nëpërmjet falsifikimit të tyre në dokumentacion. Spilleja dhe Lezha janë dy dosjet e para të hapura, por hetimet janë shtrirë që prej kohësh në të gjithë vijën bregdetare të vendit.
Janë shtrirë në Himarë, zonën e Orikumit në Vlorë, që ka abuzime të mëdha me pronat, por edhe te Pylli i Sodës, në Fier pranë plazhit të Semanit, ku persona të shumtë kanë marrë hapësira shumë të mëdha toke përmes falsifikimit. E njëjta gjë ka ndodhur edhe në bashkinë e Velipojës.
Në të katër këto bashki po kryhen hetime nga prokuroria, dhe në momentin që ka prova do futet në lojë policia. Edhe në bashkitë që po hetohet dyshohet se është përdorur e njëjta skemë si në Spille dhe në Lezhë. /tesheshi.com/
