Lajmi se disa nga të dyshuarit për korrupsion në skandalin e patentë-shoferëve kanë nisur të dalin në punë e ka alarmuar Prokurorinë e Shtetit.
Me një kërkesë të veçantë, prokuroria ka kërkuar nga gjykata t’ua ndalojë katër punonjësve të Ministrisë së Infrastrukturës që t’u ofrohen qendrave të patentë-shoferëve.
Kërkesa është arsyetuar me faktin se prokuroria ka marrë informacione se katër punonjës të kësaj ministrie kanë punuar në qendra tjera, duke u mundësuar kandidatëve patentë shoferi false.
Katër zyrtarët, Dëfrim Bajraj, Selim Rrustemi, Fatos Ferizi dhe Besfort Pozhegu po hetohen nga prokuroria për aferën e patentave.
Në muajin maj dhe qershor policia ka përgjuar zyrat e qendrës së patentë-shoferëve në Prishtinë, ku rezultatet zbuluan njërën nga aferat më të mëdha të korrupsionit e cila përfundoi me 28 të arrestuar, përfshirë dy policë hetues nga njësia që po e trajtonte rastin. /tesheshi.com/
