Kreu demokrat Basha, edhe pse fizikisht jashtë vendit, nuk pranoi që të shkojë në Prokurori për aferën e një lobimi të PD-së në SHBA, pasi dyshohet se ka patur financim rus.
Për Bashën, kërkesa për paraqitj është e panevojshme dhe e pambështetur në ligj.
“Unë dhe asnjë drejtues tjetër i Partisë Demokratike nuk jemi marrë nën hetim dhe nuk jemi të pandehur në asnjë hetim, arsye për të cilën nuk kemi ka nevojë të informohemi dhe prokuroria nuk ka asnjë detyrim të informojë për të dhënat e verifikimeve që po bën.
Fakti që një ftesë e tillë vjen 6 muaj pasi ju e keni marrë informacionin në fjalë dhe në një kohë kur ka filluar një fushatë keqinformimi me natyrën dhe ecurinë e hetimit në fjalë, na bën të mendojmë se veprimi juaj është bërë jo për qëllime hetimore, por për shërbime propagandistike”, ka qenë arsyetimi i kreut demokrat. /tesheshi.com/
