Gjykata ka pushuar çështjen në ngarkim të kreut demokrat Basha, ish-Sekretarit të Përgjithshëm Arben Ristani, si dhe financierit të PD-së Ilir Dervishi. Kjo treshe, edhe më kërkese amerikane, po hetohej në lidhje me një aferë lobimi, ku bëhej fjalë për 650 mijë dollarë të padeklaruara. Ndërkohë, prokurorët e çështjes janë ndarë në pozicionet e tyre.
Vetë Basha nuk morri pjesë në seancë, e avokatët e tij, Eduart Halimi e Iv Kaso u shprehën entuziastë për vendimin.
“Ne jemi avokatët. Ky ishte një vendim që rrëzoi të gjithë gjuetinë e shtrigave. U rrëzuan të gjitha akuzat ndaj PD-së. Është pushuar akuza, fakti nuk ekziston”, thanë ata.
Më 14 nëntor 2017, “Stonington Strategies” raportoi në Departamentin e Drejtësisë se ka marrë dy pagesa nga Partia Demokratike me vlerë totale 500 mijë USD dhe një pagesë të tretë nga “Biniatta Trade LP” në vlerën e 150 mijë USD. Por kush fshihet pas kompanisë “Biniatta Trade”, që rezulton fantazmë e regjistruar në parajsat fiskale dhe çfarë e lidh me rusët?
Asnjëra prej këtyre pagesave nuk rezulton e deklaruar në raportin financiar të dorëzuar nga PD në Komisionin Qendror të Zgjedhjeve për zgjedhjet e 25 qershorit duke ngritur dyshime për origjinën e parave duke sjellë nisjen e hetimeve nga prokuroria, që sot u pushuan nga gjykata – raporton Shqiptarja.com. /tesheshi.com/
