Prokuroria dha pretencën për çështjen “Babale”, ku, duke e konsideruar atë si një manipulim në grup, dha dënimet përkatëse: 3.6 vite burg për Albert Veliun, i njohur ndryshe si Babalja, 3 vite për Fredi Alizotin, 1.6 vite burg për ishdeputetin Ervin Salianji dhe 1 vit për gazetarin Jetmir Olldashi.
Vëmendja ishte e përqëndruar sigurisht te Salianji, që deridiku pati fatin e Saimir Tahirit në këtë dënim. Ai nuk do bëjë burg të mirëfilltë, pasi të konvertuara kalojnë në tre muaj shërbim prove.
Vendimin, siç dhe pritej, e konsideroi politik.
“Sulmet ndaj meje janë politike. Në gjasme pretence prokuroria bëhet pjesë me llumin. Asnjë pabesi nuk e mposht dot të drejtën. Prokuroria politike lexoi fiks atë që tha kryeministrin. Pala që përfaqësonte Xhafajn kishte të njëjtin qëndrim me prokurorinë. Prokuroria nuk mori parasysh asnjë provë që ne kemi paraqitur. Kjo nuk është drejtësia e re, janë prokurorë të drejtësisë së vjetër. Dënimi im është kërkuar që në momentin kur kam bërë publik rastin”, tha ndër të tjera Salianji.
“Babale” ishte një audiopërgjim i pretenduar me vëllanë e ish-ministrit Xhafaj, i konsideruar që në fillim nga ky i fundit e kahja e tij si manipulim. Megjithatë, ajo çfarë ndodhi çoi në dorëheqjen e Xhafajt, një resto për vëllain e tij të dënuar vite më parë për nja aferë lëndësh narkotike në Itali. /tesheshi.com/
