Dy ligjvënës demokratë kanë kërkuar që Byroja Federale e Hetimit (FBI) të nisë një hetim penal ndaj Donald Trump për presion ndaj zyrtarëve për të zhbërë rezultatet e zgjedhjeve presidenciale.
Një rrjedhje telefonike, e botuar për herë të parë nga Washington Post, zbuloi gjatë fundjavës se Trump u kishte një zyrtari të lartë të zgjedhjeve në Georgia, republikanit Brad Raffensperger, të anulonte rezultatet e zgjedhjeve të 3 nëntorit në atë shtet, duke pretenduar se gjithçka që duhej të bënte ishte: “gjeni 11,780 vota.”
Në një letër drejtuar drejtorit të FBI Christopher Wray, demokrati i Kalifornisë Ted Lieu dhe demokratja e Nju Jorkut Kathleen Rice pretendojnë se “provat e mashtrimit në zgjedhje nga ana Trump janë në dritën e qartë”.
“Si anëtarë të Kongresit dhe ish-prokurorë, ne besojmë se Donald Trump është përfshirë në komplotin për të kryer nëj krim zgjedhor. Ju lutemi filloni një hetim penal kundër presidentit menjëherë”, shkruajnë Lieu dhe Rice.
Dy muaj pas zgjedhjeve presidenciale të SHBA, Trump refuzoi të pranonte se ai humbi zgjedhjet ndaj Presidentit të sapozgjedhur Joe Biden.
Aleatët e Trump në vend të kësaj kanë ngritur dhjetëra padi mbi anulimin e rezultateve të zgjedhjeve në shtetet kryesore të pavendosura. Pothuajse të gjitha proceset gjyqësore u hodhën poshtë për mungesë provash.
Kongresi është planifikuar të takohet të mërkurën për të konfirmuar fitoren e Biden në zgjedhje përpara inaugurimit presidencial të 20 janarit. /tesheshi.com/
