Lëshohet edhe afati i fundit nga partitë nënshkruese të Marrëveshjes së Përzhinos për arritjen e një zgjidhjeje rreth çështjes së reformave në mediet e Maqedonisë.
Thuhet se pikat kontestuese ngelin reklamat qeveritare dhe përbërja e agjencisë së medieve.
Ndërmjetësuesi në bisedime, Piter Vahoute, theksoi se ky mos sukses do të ndikojë në vlerësimin e sotëm të bashkësisë ndërkombëtare, nëse ka kushte për mbajtjen e zgjedhjeve të besueshme. Sipas tij, nuk ka paralajmërime për takim tjetër të grupeve punuese gjatë ditës së sotme.
“Demokracia kërkon kompromis, kërkon njerëz të mençur, kërkon mendje të shëndosha, kërkon politikanë kompetentë, kërkon që të jetë në shërbim të popullit”, shkroi në Twitter ndërmjetësuesi Vanhoute.
Reformat në media ishin njëra prej gjërave kontestuese së bashku me pastrimin e listës zgjedhore. /tesheshi.com/
