Kreu i Komisionit Qendror të Zgjedhjeve e konsideroi nul ankimimin e partisë Agrare Ambjentaliste në emër të opozitës, në Kolegjin Zgjedhor. Pasi Kolegji hodhi edhe shortin për caktimin e gjyqtarëve që do të shqyrtojnë çështjen, Biba me anë të një postimi në rrjetet sociale thotë se PAA nuk ka legjitimitet që të paraqesë ankimim në kolegjin zgjedhor.
“Së pari,PAA bëri kërkesë për t’u regjistruar në zgjedhje pa paraqitur listë kandidatësh. Më pas, PAA paraqiti kërkesë në KQZ për t’u ç’regjistruar. Automatikisht PAA nuk mund të konsiderohet si subjekt zgjedhor. Për pasojë PAA nuk legjitimohet që të paraqesë ankim në kolegjin zgjedhor”, thotë Biba. /tesheshi.com/
