Një aeroplan ushtarak pakistanez është përplasur në shtëpitë e banueshme në qytetin Ravalpindi, duke vrarë të paktën 17 njerëz. Përplasja ndodhi gjatë një fluturimi stërvitor
Trupat ushtarake dhe policia rrethuan zonën e banimit për të kërkuar mbetjet e aeroplanit dhe po kryejnë provat hetimore.
Pesë ushtarë, përfshirë dy pilotë të ushtrisë dhe të paktën 12 civilë u vranë, tha ushtria në një deklaratë.
Zyrtarët e shpëtimit thanë që numri i të vdekurve mund të rritet pasi disa nga të plagosurit ishin në gjendje kritike.
Ushtria e Pakistanit ka qenë në gatishmëri maksimale që nga shkurti kur India filloi një sulm ajror brenda Pakistanit, duke pretenduar se po i shkonte pas militantëve që ishin përgjegjës agresorëve të një sulmi të mëhershëm në Indi.
Pakistani në atë kohë kërkoi të hakmerrej dhe rrëzoi dy aeroplanët e forcave ajrore indiane. Një pilot indian u kap dhe u lirua më vonë mes shenjave të lehtësimit të tensioneve.
Pakistani ka një rekord të dështimeve të sigurisë së aviacionit, me rrëzime të shpeshta aeroplanësh dhe helikopterësh ndër vite. /tesheshi.com/
