Një adoleshente palestineze ka treguar se si e kishte ndjerë veten pasi kishte përqafuar të atin e saj, i cili vuan dënimin e përjetshëm në burgjet izraelite, për herë të parë pas 12 vite.
18-vjeçarja, Yara al-Sharabati foli për Al Jazeera-n në lidhje me 10 korrikun, ditën kur ajo u lejua të qëndrojë në të njëjtën dhomë me të atin e saj.
“Kur hyra përmes derës, e ndjeva veten të lirë që mund ta përqafoja atë. Por, përnjëherë më erdhi një ndenjë që të vrapoj drejt tij. Dhe kështu bëra. Ai më shtrëngoi dhe më përqafoi. Qëndruam ashtu për disa minuta”.
Gjatë kohës sa kaluam së bashku, e cila nuk zgjati shumë, rojet e burgut bënë një foto të tyre.
“Nuk ma dërguan foton menjëherë”, spjegon Yara. “E mora atë pas një muaji, kur njerëzit të cilët kishin vizituar babain tim e kishin kërkuar atë nga administrata e burgut. Për këtë arsye, edhe po e publikoj në Facebook me një muaj vonesë”.
Yara shpjegon se “kjo ishte hera e dytë që ajo ishte lejuar ta përqafonte të atin e saj”.
“Herën e parë isha vetëm 6 vjeçe. Tani jam 18 vjeçe. Kam lindur në kohën kur ai ishte në burg. Por, kur mbusha 6 vjet, nuk isha e vetëdijshme, nuk isha e vetëdijshme se po përqafoja të atin tim. Kështu që në fakt, kjo është hera e parë, për arsye se është hera e parë që po përjetoja ndjenjën e të përqafuarit të atin tim”. /tesheshi.com/
