Një i ri vdiq e një tjetër mbeti i plagosur në orët e vona të së shtunës në qytetin e Vlorës, si pasojë e një aksidenti rrugor në aksin Skelë-Uji i ftohtë.
Viktima është Kristi Panajoti 17 vjeç, pasagjer në automjetin tip BMW X6, ndërsa i plagosuri është Petro Bejo, 21 vjeç, që ishte dhe në timon.
Automjeti përfundoi në një kanal, dhe sipas hetimeve të para shkak ka qenë shpejtësia që më pas ka rezultuar me daljen nga kontrolli.
Pak ditë më parë, në qendër të Tiranës ndërruan jetë dy të rinj duke ecur me motor, po ashtu për shkak të shpejtësisë.
Por është për t’u theksuar rasti i parë, ku në automjete luksoze siç janë sidomos BMW-të e tipit X5 apo X6 shihen adoleshentë në drejtimin e tyre. Policia shqiptare ende nuk ka arritur në atë stad dhe madje ndihet e pafuqishme që t’i ndalojë në raste të tilla. Kjo, dhe për shkak të kompleksit inferior që ndjen karshi tyre duke menduar fuqinë e parasë apo pushtetit që ndodhet pas tyre. /tesheshi.com/
