Adnan Januzaj është rikthyer sërish në Manchester United, pasi dështoi t’i tregoj vlerat e tij tek Borussia Dortmund gjatë huazimit të tij prej gjashtë muajsh. Mirëpo sulmuesi shqiptaro-belg do ta ketë të vështirë të bindë holandezin Luis van Gaal për të qenë pjesë e skuadrës së parë të “djajve të kuq”, shkruan e përditshmja britanike Daily Mail.
Januzaj u inkuadrua në skuadrën e parë të Manchester United dy sezone më parë me insistimin e trajnerit David Moyes, mirëpo me ardhjen e Van Gaal gjërat ndryshuan dhe hapësirat për futbollistin me prejardhje shqiptare u zvogëluan.
Sulmuesi zgjodhi për të përfaqësuar Belgjikën në Kampionatin Botëror të vitit 2014, mirëpo nuk arriti të përmbush pritshmëritë dhe tashmë karta për sezonin tjetër ishte djegur.
Huazimi i tij gjashtëmujor tek Borussia Dortmund ishte një dështim i vërtetë. Januzaj luajti në vetëm gjashtë ndeshje, duke mos arritur asnjëherë të bindë trajnerin Thomas Tuchel për një vend në pozitën e titullarit. Madje shpesh ndeshjet i ndoqi dhe nga tribunat.
Disa muaj më pas, ai e kuptoi se aventura e tij në Signal Iduna Park kishte përfunduar dhe rikthimi i tij në Old Traford ishte i pashmangshëm. Mirëpo ardhja e tij tek “djajtë” nuk gëzoi edhe aq shumë trajnerin Luis van Gaal, që po luan kartat e tij të fundit dhe më nuk ka kohë për eksperimente, edhe pse Januzaj kishte lënë gjurmë në paraqitjet e tij në të kaluarën në Premier League.
Në qoftëse Januzaj nuk vendos për ndonjë skuadër të re para se të mbyllet merkato e janarit, me shumë mundësi ai do e gjejë vetën në skuadrën e rezervave, megjithëse kjo është vetëm një hipotezë e bazuar në rrugën nëpër të cilën ka kaluar sulmuesi vitin e fundit.
Ata u shqiptarë që u irrituan nga fakti se Januzaj zgjodhi fanelën belge në vend të asaj kuqezi, ndoshta fërkojnë duart tashmë dhe mund të pëshërisin më vete: kjo është hakmarrja e atdheut kur e bën hasha! /tesheshi.com/
