Një zyrtar iranian tha që Presidenti amerikan Donald Trump ishte “më i rrezikshëm sesa virusi koornar”, me konfirmimin se bllokimi i tij i hyrjes së Iranit në furnizime të mëdha mjekësore për të luftuar epideminë është i barabartë me krimet kundër njerëzimit.
Admirali Ali Shamkhani, sekretari i Këshillit të Lartë të Sigurisë Kombëtare të Iranit, ka akuzuar qeverinë amerikane se kundërshton përpjekjet e Fondit Monetar Ndërkombëtar për të ndihmuar Iranin të luftojë epideminë.
“Sanksionet për furnizime mjekësore janë një veprim i paligjshëm dhe çnjerëzor, një simbol i armiqësisë së hapur të Trump ndaj popullit iranian”, ka shkruar Shamkhani në një cicërimë.
“Opozita amerikane ndaj qëllimit të Fondit Monetar Ndërkombëtar për të lehtësuar luftën e Iranit kundër koronavirusit është një shembull i vërtetë i krimeve kundër njerëzimit,” shtoi ai.
“Trump është më i rrezikshëm sesa virusi,” vuri në dukje zyrtari iranian.
Sipas Universitetit Johns Hopkins të Shteteve të Bashkuara, më shumë se 3,600 njerëz kanë vdekur në Iran si pasojë e një infeksioni viral koronar, me afro 60,000 të infektuar.
Trump tha të premten se ai do të kishte një “përgjegjësi morale” për të ndihmuar Iranin të luftojë virusin nëse krerët e vendit e kërkojnë këtë.
“Ata s’na kanë kërkuar gjë,” tha Trump, kur u pyet nëse SHBA do të konsideronte lehtësimin e sanksioneve mbi Iranin.
“Nëse ata duan që ne të takohemi, ne do të donim”, shtoi ai. /tesheshi.com/
