Kryeministri Rama, apo qeveria e tij, por më shumë ai, është vënë në shënjestër këto dite, kjo falë rrjeteve sociale që i ka dhënë akses çdo anonimi për t’u ndjerë dikushi me anë të fjalës, në lidhje me faktin se nuk shpalli ditë zie për jetëhumburit shqiptarë në autobusin e Maqedonisë në Bullgari.
Një komentues i drejtohet duke i thënë se ai nuk po ka respekt për shqiptarët e Maqedonisë.
Jo thjesht me aksentin e shqipes të atyre anëve, por dhe me shqipe të çoroditur, ai i drejtohet të parit të qeverisë shqiptare:
“Kryeminister as nje far respekti per ne shqiptaret e Maqedonis kjo esht turpi me imadh ne gjith historin e kombit shqiptar arsyen tregoma dhe je nje nder me te pa interesesuarit kjo esht Turpi me imadh trego arsyen ne qofse ke”.
Ja kthen Rama: “Une i kam shprehur ngushellimet qysh ne mengjes heret sapo mora lajmin e keq te tragjedise, nderkohe qe kam qene ne kontakt te vazhdueshem me autoritetet e Shkupit per te mesuar se kur e si do te zhvillohet, nese do te zhvillohet nje ceremoni zyrtare lamtumire per viktimat!
Keshtu qe fjalen turp le ta mbaje kush e perdor pa pike lidhje, ndersa respektin per shqiptaret e Maqedonisë e kam treguar besoj me vepra jo me dokrra!”. Te vepra, lë të kuptuar “Marrëveshjen e Tiranës” pak vite më parë, kur do mblidhte në zyrën e tij të gjithë krerët politikë shqiptarë të Shkupit, për t’i çuar drejt një marrëveshjeje historike. /tesheshi.com/
