Numri dy i qeverisë shqiptare është shprehur se ndihet i habitur nga deklarimet e një anëtari të kabinetit, ministër i LSI-së.
“Më kanë habitur disa deklarata”, tha zv/kryeministri Niko Peleshi, duke folur nga Korça në lidhje me replikat e fundit PS-LSI; por që nuk preferoi ta përmendte me emër Lefter Kokën, kreun e Mjedisit, njeriun që ka hedhur bombën e një divorci të pritshëm mes dy aleatëve të cilësuar si strategjikë.
Për Peleshin nga LSI pritet tjetër gjë.
“Kemi detyra të mëdha përpara dhe nuk na mbetet kohë për lojëra politike. Ne presim nga LSI-ja që t’i japim vrull dhe impulsin e duhur reformave”.
Ndërkohë, gjatë prononcimit të tij, zëvëndësi i Ramës ka lënë të nënkuptuar se afrimi i vettingut mund të jetë dhe shkaku kryesor i acarmit të raporteve mes dy aleatëve, ndonëse e shprehur kjo në mënyrë tejet parimore
“Të gjithë presin që qeveria të punojë. Kemi përpara reformën në drejtësi, që është reforma e reformave. Vetting-u kërkon kontribut dhe nuk të lë kohë të merresh me lojëra politike”, theksoi Peleshi. /tesheshi.com/
