Hoxha sarajevas që vendosi të hapë dyert e xhamisë për të pastrehët nën të ftohtin e acartë, publikoi një tjetër status në FB gjatë natës.
“Sonte është shumë ftohtë! Jashtëzakonisht ftohtë! Është natë siberiane! Dhe meqenëse këtë mëngjes kam postuar një status në Facebook përmes të cilit kam ftuar njerëzit që nuk kanë vend ku të ngrohen, se mund të vijnë në xhaminë tonë për t’u strehuar nga të ftohtit dhe për t’u ngrohur, tani unë sapo u ktheva në xhami për të kaluar natën këtu, si kujdestar nate, në xhami me derë të hapur. Nëse dikush dëshiron të vijë për t’u strehuar dhe për të kaluar natën, kjo shtëpi e Zotit (edhe) sonte do të jetë e hapur dhe e nxehtë. Sigurisht, unë kam me vete disa ndihmës, dhe ata që do të dëshirojnë të strehohen në xhami por nuk e dinë se ku është kjo xhami, do ta njohin përmes kandilave të cilat do të qëndrojnë ndezur gjatë gjithë natës.
Për këtë arsye kam ndezur dritat në këtë minare që të shërbejë si një fener, në mënyrë që njerëzit të mund të vijnë dhe të strehohen në këtë shtëpi të Zotit.
Dhe çdo shtëpi dhe çdo zemër është e ndriçuar, nëse është e gatshme që në situata të këtilla të vështira t’i dalë në ndihmë një njeriu të thjeshtë, një nevojtari!
Njerëz, le t’i dalim në ndihmë njëri-tjetrit!”, shkroi Muhamed Veliç.
Këto ditë të pazakonta temperaturash të ulëta, po shoqërohen dhe me akte solidariteti. I angazhar është dhe vetë Papa Francesku në këto orë, për t’iu ofruar strehë, të ngrohtë dhe ushqim të vobektëve e të pamundurve. /tesheshi.com/
