Dënohen me burg ish-zyrtarët e ministrisë së Kulturës në Kosovë, Astrit Haraçija e Valton Beqiri. Vendimin e mori Gjykata Themelore e Prishtinës, duke i dënuar me nga 1 vit burg, pasi u shpallën fajtorë për veprën penale të “shpërdorimit të detyrës”.
Bëhet fjalë për një fond prej 100.000 eurosh për kompaninë e Armond Morinës, “Morina Films” që kishte premtuar realizimin e filmit të quajtur “Mysafir në sofër”, por që nuk ishte realizuar asnjëherë.
Gjykata ka shpallur fajtor edhe dy aktorët Armond Morina dhe Nehat Fejzën, të cilët po ashtu janë dënuar me nga 1 vit burg.
Gjykata ka kushtëzuar aktorin Morina që t’i kthejë ministrisë së Kulturës shumën prej 100 mijë eurosh, ndërsa Nehat Fejza 188 mijë euro./tesheshi.com/
