Prokurori i Gjykatës Supreme të Shteteve të Bashkuara të Nju Jorkut, Eric T. Schneiderman, ka nisur një hetim mbi shkeljet e të drejtave të njeriut në kompaninë Weinstein, pas një serie akuzash për sulmet seksuale që ishin paraqitur më parë në adresë të producentit të Hollivudit, Harvey Weinstein.
Schneiderman konfirmoi zyrtarisht se është hapur një hetim, ndërkohë që nga zyra e tij bëhet me dije se është lëshuar një urdhër për dorëzimin e të gjitha të dhënave të kompanisë, njoftoi AP.
Prokurori deklaroi se kabineti i tij donte të dinte nëse ndonjë nga punonjësit në kompani, që ndodheshin në Nju Jork, ishin të ekspozuar ndaj abuzimit apo diskriminimit.
Producenti holivudian Harvey Weinstein u largua nga kompania të cilën ai e themeloi dhe në të cilën punoi, pasi New York Times dhe The New Yorker zbuluan rrëfime të dekadave të ngacmimit seksual dhe abuzimit të grave.
Të paktën 36 gra, përfshirë aktore të spikatura holivudiane akuzuan publikisht producentin për abuzim.
Siç citon AP, Weinstein ka hedhur poshtë akuzat “për marrëdhënie pa pëlqimin vullnetar”. /tesheshi.com/
