Vatikani po krijon një grup pune me ekspertë për të ndihmuar dioqezat katolike dhe urdhrat fetare në hartimin e udhëzimeve për raste abuzimi seksual të kryera nga përfaqësuesit e klerit, raporton AP.
Nisma u propozua vitin e kaluar në një tubim për të parandaluar abuzimin.
Kjo u konsiderua e nevojshme duke pasur parasysh që udhëheqësit katolikë në disa pjesë të botës, kryesisht në zonat e varfra dhe të prirura nga konflikti, si në Afrikë dhe Azi, nuk i përmbahen Direktivës së Vatikanit të vitit 2011 për zhvillimin e udhëzimeve.
Anëtarët e grupit të punës thanë të premten se qëllimi është që të ofrohet ekspertizë juridike dhe ndihmë për dioqezat dhe urdhrave fetarë, të cilave u mungojnë mjetet profesionale ose përndryshe janë neglizhente për t’iu bindur direktivës së vitit 2011.
Vatikani kërkon vetëm që pretendimet për abuzim të raportohen brenda, jo në polici, dhe që drejtuesit e kishave të raportojnë abuzim në polici vetëm atje ku kërkohet nga ligji civil. /tesheshi.com/
