Ambasada holandeze në Londër organizoi një fushatë elektorale për zgjedhjet e së mërkurës më 15 mars, ndërkohë që autoritetet holandeze kanë ndaluar mbajtjen e takimeve të zyrtarëve turq në lidhje me të njëjtën gjë, fushatën për referendum në vend.
Sipas një raporti të publikuar në faqen zyrtare të Ambasadës së Mbretërisë së Holandës në Londër, paneli në përbërje prej tri partive më të mëdha politike në Holandë, (VVD, PvdA, dhe D66 diskutuan në lidhje me çështjet më të rëndësishme politike, si Brexit, kombësia dhe koalicionet e mundshme brenda qeverisë.
Ndërkohë, të shtunën autoritetet holandeze reaguan në një mënyrë shumë të vrazhdë ndaj një ngjarje të ngjashme në Konsullatën Turke në Roterdam.
Policia e atyshme ndaloi ministren turke për Çështje Familjare dhe Sociale, Fatma Betül Sayan Kaya duke e deportuar atë në Gjermani, pas pesë orë pritjeje para ndërtesës së konsullatës.
Megjithatë, të dhëna tregojnë se disa organizatorë turq të fushatës për një “Jo” në referendum nuk janë përballur me ndonjë pengesë gjatë aktiviteteve të tyre në Holandë. Ish-ministri Abdullatif Sener dhe presidenti i Unionit të Shoqatave të Avokatëve të Turqisë, Metin Feyzioğlu ishin në mesin e atyre që organizuan një fushatë kundër ndryshimeve kushtetuese.
Ndërkohë, Ministria e Jashtme turke kërkoi nga ambasadori holandez në Ankara, i cili ishte me pushime në vendin e tij që të mos kthehet “për një kohë”. /tesheshi.com/
