I mbetur pa para, raportohet se Abramovich po kërkon një milion dollarë nga miqtë dhe të njohurit për të paguar stafin e tij.
Sipas artikullit të Page Six, manjati rus po përballet me probleme në transaksionet e tij financiare pasi llogaritë e tij bankare janë ngrirë në Britani dhe SHBA.
Ndaj, për të qenë në gjendje të paguajë pagat e stafit të tij, ai është detyruar që të aplikojë dhe për kredi.
Oligarku rus po paguan çmimin për lidhjet e tij me njeriun e fuqishëm të Kremlinit, Putinin, i cili ka urdhëruar një agresion ushtarak në Ukraine.
Thuhet se në asnjë rrethanë ai nuk dëshiron që stafi i tij të fillojë të thotë majtas e djathtas se shefi nuk ka asgjë për të paguar.
Sipas Page Six, Abramovich tashmë ka kontaktuar me partnerë nga Hollywood-i dhe Wall Street-i për të zgjidhur çështjen e pagës së stafit të tij, e cila shkon në më pak se një milion dollarë në javë.
Pyetja e madhe është nëse miqtë dhe bashkëpunëtorët e tij do ta mbështesin atë në kohët e vështira.
Duke pasur parasysh se edhe nëse ai merr pjesë në bisedimet e paqes midis Rusisë dhe Ukrainës për t’i dhënë fund luftës, miqtë e tij nuk janë të sigurt nëse do të duhet të merren me të financiarisht.
“Roman Abramovich po kërkon nga miqtë e tij më të ngushtë që t’i japin hua një milion dollarë. Ai pretendon se nuk ka vonuar asnjëherë pagat e stafit të tij, por që me asetet e ngrira nuk mund të paguajë njerëzit që punojnë për të. Për këtë, ai ka ka kontaktuar regjisorin Brett Ratner dhe familjen Rothschild, për t’u kërkuar atye para, duke qenë se janë miq të ngushtë. Por këta të fundit ngurrojnë, pasi nuk e dinë se çfarë pasojash mund të kishin sipas të drejtës ndërkombëtare”, thuhet në artikull.
Vlen të përmendet se Mbretëria e Bashkuar dhe BE vendosën sanksione ndaj Roman Abramovich – pasuria e të cilit vlerësohet në 14.3 miliardë dollarë, sipas Bloomberg – në fillim të marsit pas fillimit të luftës së Putinit në Ukrainë.
Sanksionet kanë penguar planet e tij për të shitur Chelsea-n për 3 miliardë dollarë për të mbajtur para në xhep.
55-vjeçari rus zotëron gjithsej katër jahte me vlerë 1.4 milionë dollarë, dy prej të cilëve janë në Turqi. /tesheshi.com/
