Kryeministri në pritje i Kosovës Albin Kurti, është futur pa drojë në debatin mbi ngërçin kushtetues në Shqipëri, ku tha se presidenti Meta ose duhet të dorëhiqet ose duhet të shkarkohet.
“Duhet të japë dorëheqje ose do të shkarkohet. Ai duhet ta kuptojë vetë dhe të japë dorëheqje”, tha Kurti i ftuar në Open të Eni Vasilit.
Nga ana tjetër, ai shprehu afërsinë politike me PS-në e tha se për fërkimet me Ramën nuk duhet abuzuar.
“Shpreh pakënaqësinë time lidhur me keqpërdorimin që i bëhet kritikave dhe mospajtimeve mes meje dhe Ramës, dhe këto keqinterpretime bëhen nga ata që nuk duan bashkimin mes Shqipërisë dhe Kosovës.
Kemi afërsi me PS-në, por dega jonë në Shqipëri, nuk është as pozitë dhe as opozitë. Unë nuk jam Bojken Abazi as Enis Sulstarova, ata drejtojnë degën e Shqipërisë dhe mund t’a pyesni atë”, tha Kurti.
Ndërkohë, ai qe kundër cilësimit “lajthitje” që Rama i bëri marshimit të paralajmëruar të VV-së dega Tiranë, ditën e 28 nëntorit.
“Lajthitje?” Çfarë të them unë, tani mendoj se nuk është lajthitje, nuk di çfarë të them.
Të bësh aktivitete publike për bashkim, kjo është gati detyrë”, u shpreh Albin Kurti. /tesheshi.com/
