Kryetarja e Dhomave të Specializuara apo siç njihen ndryshe si Gjykata Speciale, Katerina Trendafilova, ka nisur vizitën e parë në Kosovë, e cila nuk pritet të sjellë ndonjë veprim konkret lidhur me procedimin e rasteve të para të kësaj gjykate, por veç njoftim me disa prej krerëve të institucioneve e drejtuesve të shoqërisë civile.
Takimin e parë, Trendafilova nuk e ka zhvilluar as me presidentin, as kryeminsitrin, as kryekuvendarin të cilët nuk dihet nëse do t’i takojë, por as kryeprokurorin Aleksandër Lumezin, por me ministrin e Drejtësisë Abelard Tahiri, njeriun kryesor të Thaçit i cili për dhjetë vite i ka qëndruar pranë, derisa la Preisdencën për postin e minsitrit.
Dhe siç duket emërimi i ish-këshilltarit të Thaçit si ministër i Drejtësisë nuk është një rastësi, por diç e menduar mirë, pse jo nga vet ish-kreu i PDK-së që njeriun e tij ta ketë zë dhe vesh për gjithçka çfarë ndodhë brenda Speciales, kur dihet se edhe emri i Thaçit është lakuar si i mundshëm që mund të preket nga kjo gjykatë.
Ministri Tahiri në takimin e parë sy më sy me të parën e Speciales ka kërkuar nga ajo sigurimin e një procesi të drejtë, transparent dhe në përputhje me normat dhe standardet më të larta të të drejtave të njeriut, ndëra sigurisht dhe i ka ofruar mbështetjen e institucioneve.
Po kush është Tahiri?
Abelard Tahiri, qysh prej vitit 2006 ka qenë njeri prej njerëzve më të afërt të Thaçit.
I diplomuar në Shkenca Politike, Tahiri angazhimin e tij politik e kishte nisur kur PDK-ja ishte në opozitë dhe deri në vitin 2008 kishte shërbyer vetëm si këshilltar i kryetarit të PDK-së.
Kur PDK-ja hypi në pushtet dhe Thaçi u bë kryeministër, gjatë viteve 2008-2014, Tahiri, shërbeu si shef i kabinetit.
Edhe kur Thaçi morri pozitën e zv.kryeministrit dhe ministrit të Jashtëm pas marrëveshjes me LDK-në, që kësaj të fundit i dha postin e kryeministrit pas ngërçit politik gjashtëmujor, Tahiri sërish shërbeu si shef i kabinetit.
Thaçi e mori pranë vetes Tahirin edhe kur u emërua në postin e presidentit, ku sërish I besoi postin e shefit të stafit.
Dhe pas të gjitha këtyre pozitave siç duket me rekomandim të Thaçit, kreu i tashëm i PDK-së Kadri Veseli e emëroi në pozitën e minsitrit të Drejtësisë, një prej dikasterëve më të rëndësishëm qeveritar. /tesheshi.com/
