I mandatuari nga presidenti Thaçi për për kryeministër të ri të Kosovës, Abdullah Hoti nga LDK, tha se gjithçka po shkon drejt finalizimit, e se koalicionit të ri do t’i bashkangjitet dhe AKR-ja e Pacollit.
“Unë besoj që shumë shpejt do t’i përmbyllim të gjitha marrëveshjet dhe shpejt do të dalim para Kuvendit të Kosovës, për të formuar qeverinë e re, e them me kënaqësi që bisedat janë përmbyllë në masë të madhe, sepse dakordimi ka qenë më herët në mes të gjitha partive politike të do të marrin pjesë në koalicion. Besoj që janë marrëveshje që marrin parasysh peshën që ka secili prej partnerëve të koalicionit”, tha Hoti, duke shtuar se dhe “Edhe AKR-ja do të jetë pjesë e kësaj qeverie”, ndonëse Pacolli tha ditë më parë se nuk do dëshironte të lëvizte nga të qënit në opozitë.
“Jemi të vetëdijshëm që do ta marrim qeverisjen në një situatë bukur të vështirë, me pandemi me nevovë që shpejt të intervenojë në ekonomi edhe të kthejmë miqësitë që janë lëndu gjatë këtyre javëve dhe muajve të fundit, jemi të vetëdijshëm, por jemi përgatitur me një ekip shumë të mirë dhe jam shumë i kënaqur me ekipën që është duke u formësu për këtë dhe besoj që shumë shpejt, nesër t’i përmbyllim të gjitha çështjet dhe të dalim para jush dhe qytetarëve të Kosovës, me përbërjen e qeverisë së re”, u shpreh Hoti.
Ish-zv/kryeministër me Albin Kurtin, ky i fundit ka dhënë konsiderata tejet negative për njeriun e LDK që po tenton ta zëvëndësojë. /tesheshi.com/
