Në pozitën e një ish-ambasadori në OKB, si dhe të një njohësi të thellë të diplomacisë dhe marrëdhënieve ndërkombëtare, tha se vota e Shqipërisë për Jerusalemin në Asamblenë e Përgjithshme, nuk përkthehet si kundër Amerikës. Ajo, tha Baleta, përkthehet si një kërkesë për Ushingtonin për ta riparë vendimin. Baleta tha se Shqipëria dhe mund të abstenonte, por nuk ka bërë ndonjë gjë për t’u alarmuar që votoi kundër.
Edhe për deklaratën e Ministrisë së Jashtme, njeriu që shfaq gjithnjë një antipati për të majtën shqiptare, tha se ajo ishte korrekte. Për Baletën, e gjithë zhurma e brendshme që bëhet është në funksion të luftës së brendshme politike. Në këtë prizëm, edhe pse tha se një konsultë mes zërave shtetërore do kishte qenë normale, letrën e Presidentit Meta dërguar Presidentit Trump, ai e quajti anormale.
Po ashtu, Baleta shfaqi bindjen se Shqipërisë nuk do i vjen asnjë dëm nga vota për Jerusalemin, siç një po përpiqen ta thonë disa aktorë politikë anti-qeveritarë.
Komentet e z. Baleta u bënë gjatë një interviste në “Kjo Javë” në News 24. /tesheshi.com/
