Një autostradë e re që do ndërtohet në Mal të Zi është pagëzuar nga kryeministri Dritan Abazoviç si “Princesha Ksenia”.
“Ndoshta projekti më i madh për një Mal të Zi të zhvilluar që do t’ua lëmë fëmijëve tanë”, tha ai.
“Autostrada është fillimi i lidhjes së përhershme të Malit të Zi me botën. Kodrat e karstit malazez do të bashkohen me fushën pjellore, kryeqyteti me veriun, Mali i Zi me Evropën”, tha Abazoviç.
Autostrada, shtoi ai, tregon një drejtim të ri që nevojitet për zhvillimin e Malit të Zi.
“Bashkimi Evropian nuk është i plotë pa Malin e Zi, një vend i vogël, dashamirës dhe i patrembur që i ka dhënë Evropës mjaftueshëm për të qenë pjesë integrale e tij përgjithmonë”, tha Abazoviç.
Ndaj, ai ka sugjeruar që autostrada të emërtohet sipas shoferit të parë femër në Ballkan – Princeshës Ksenia. /tesheshi.com/
