Mali i Zi nuk ka asnjë alternativë tjetër veç asaj të qyetetarisë dhe është e nevojshme të ruhet paqja, harmonia ndëretnike dhe ndërfetare në Malin e Zi pas zgjedhjeve parlamentare, tha udhëheqësi i koalicionit Bardh e Zi, Dritan Abazoviç.
Në profilin e tij në Facebook, ai u bëri thirrje qytetarëve të festojnë fitoren në shtëpitë e tyre
“Ne nuk kemi nevojë për ndonjë tension, qëndrojmë në shtëpi, çdo dhunë rrezikon fitoren dhe ndryshimin e regjimit,” tha Abazoviç.
Ai paralajmëroi se çdo lloj dhune ose provokimi nga kushdo, hedh një hije mbi fitoren e zgjedhjeve, në të cilën “korrupsioni dhe krimi i organizuar mposhten”.
“Kjo është arsyeja pse unë po ju kërkoj të përmbaheni nga kjo dhe të festoni në shtëpitë tuaja në një mënyrë dinjitoze,” tha Abazoviç.
Si kurrë më parë, theksoi ai, në Malin e Zi është e nevojshme të ruhet paqja, harmonia ndëretnike dhe ndërfetare, si dhe qenia qytetare e Malit të Zi.
Festime dhe incidente
“Mos na lejoni të rrezikojmë fitoren historike me papërgjegjshmërinë tonë ose përmes individëve të futur. Ky është vendi i të gjithëve ne dhe kjo është arsyeja pse duhet të mbrojmë njëri-tjetrin. Mali i Zi nuk ka asnjë alternative tjetër. Tani na duhet mençuri, do të ketë kohë për të festuar,” shkroi Abazoviç.
Mijëra njerëz u mblodhën në rrugët e Podgoricës të hënën në mbrëmje për të festuar suksesin e opozitës në zgjedhjet parlamentare të së dielës.
Radio Televizioni i Malit të Zi (RTCG) njoftoi se ekipi i tyre u sulmua gjatë festimeve ndërsa po kthehej nga një mision.
Disa njerëz u plagosën të hënën mbrëma në Lagjen e Qytetit të Podgoricës, në një përplasje midis mbështetësve të Partisë Demokratike të Socialistëve (DPS) dhe koalicioneve të opozitës.
Euforia e votuesve të opozitës po vazhdon që të dielën në disa qytete malazeze, si dhe disa qytete në Serbinë fqinje dhe njësinë boshnjake të Republika Srpska.
Pas njoftimit të rezultateve të zgjedhjeve parlamentare dhe festimit të mbështetësve të partive të caktuara politike, mjediset e DPS dhe Social Demokratëve u gjuajtën me gurë në Pljevlja.
Qytetarët boshnjakë në Pljevlja dëshmuan në lidhje me fyerjet nacionaliste të votuesve të opozitës të regjistruara të dielën mbrëma dhe të hënën, ndërsa dy burra u sulmuan në qendër të qytetit. /tesheshi.com/
