Parlamenti malazez shkarkoi ministrat e Mbrojtjes dhe të Jashtëm, Rashko Konjeviç dhe Ranko Krivokapiç, në një seancë që përfundoi herët në mëngjesin e së shtunës.
Iniciativën për shkarkimin e tyre e ka paraqitur kryeministri në mandat teknik Dritan Abazoviç, qeveria e të cilit ka rënë me votim mosbesimi në mesin e gushtit.
Shkak ka qenmë fakti se Konjeviçi dhe Krivokapiçi kanë iniciuar vendosjen e një pllake përkujtimore në ish-kampin e të burgosurve kroatë Morinja, jo shumë larg Kotorrit, largimi i së cilës ishte urdhëruar nga inspektimi malazez.
Kryeministri Abazoviç më vonë tha se e kanë bërë pa u konsultuar me qeverinë dhe në kundërshtim me ligjin për memorialet.
Që në ditët e para të qeverisë, e cila u zgjodh në prill, Konjeviç dhe Krivokapiç kundërshtuan vendimet e kryeministrit Abazoviq, e në veçanti kundërshtuan nënshkrimin e Marrëveshjes Themelore me Kishën Ortodokse Serbe.
Kjo marrëveshje ishte arsyeja kryesore pse qeveria e Abazoviçit ra në parlament më 20 gusht. /tesheshi.com/
