Aleanca për Ardhmërinë e Kosovës ka reaguar pas vlerësimit të policisë së Kosovës se në protestën e sotme ishin 5 mijë protestues.
AAK nëpërmes një komunikate i është drejtuar policisë me “Mos rreni ma!”.
AAK ka thënë më tej se udhëheqja e Policisë së Kosovës ka nevojë të shkojë në shkollë fillore dhe se ka dëshmuar që nuk dinë që të numëroj më shumë se numri 10.
“Kjo udhëheqja e policisë së Kosovës, ka nevojë të shkojë edhe njëherë në shkollë fillore. Jo për tjetër, po nuk është shteg me na dëshmu se dinë me numru më shumë dhe 10. Herën e kaluar, Bakia e nisi me 8 mijë, e tash e paska ulë ‘kanarin’ hala. Ne nuk dhamë numra, për të mos gabuar, po paskemi mujt me thanë se kanë qenë 300 mijë. Kjo do të ishte rrenë shumë më e vogël se ajo e policisë”, thekson AAK në kumtesë, derisa shton se ka respekt për ata policë që sot ishin dinjitozë në protestë. /tesheshi.com/
